Ciclo de cine Mestre Mateo 2026: O silencio herdado

Proxeción do documental O silencio herdado, parte do ciclo de cine Mestre Mateo 2026 en Bruxelas. Ciclo de cine Mestre Mateo: O silencio herdado Comprácenos invitarvos á proxección do documental O silencio herdado, parte do Ciclo de Cinema Mestre Mateo 2026 en Bruxelas. A proxección terá lugar o martes 10 de novembro ás 18:30 h na sede da Fundación Galicia Europa (Rue de la Loi 38, 1040, Bruxelas). O ciclo de cinema Mestre Mateo en Bruxelas, organizado polo Festival EmigraSON, trae a capital europea ás proxeccions dos oito filmes e documentais finalistas dos Premios do Audivisual Galego Mestre Mateo 2026. A proxección é totalmente gratuita, pero é necesario inscribirse. Sinopse BLUCÍA (27) achégase á súa avoa EDILIA (86) buscando respostas, pero só atopa silencio. O silencio de EDILIA é longo, de raíces profundas. Un silencio escuro, doloroso, imposible de romper. Cando LUCÍA entende que EDILIA nunca lle dará as respostas que busca, decidirá mirar ese silencio, escoitalo con paciencia e determinación, tratando de comprendelo. EDILIA, talvez querendo, talvez sen querer, acompañaraa. Xuntas exploran os límites da palabra e da imaxe, facendo dese silencio o seu lugar de encontro.