Kaflaskil - Hugrekki til vaxtar

Kaflaskil - Hugrekki til vaxtar Ráðstefna FKA-DK 2026 Dagur tileinkaður innblæstri og dýrmætri tengslamyndun Félag kvenna í atvinnulífinu í Danmörku, FKA-DK, býður þér á þriðju ráðstefnu félagsins þann 24. október næstkomandi. Eftir síðustu ráðstefnu sögðu gestir að orkan hefði verið slík að það þyrfti að „tappa henni á flöskur“. Í ár ætlum við að gera enn betur undir yfirskriftinni Kaflaskil – Hugrekki til vaxtar . Við köfum ofan í hugrekki og það að stíga út fyrir þægindarammann – lykilatriði fyrir persónulegan og faglegan vöxt. Dagskrá og fyrirlesarar Við fáum til okkar fjórar magnaðar konur sem deila reynslu sinni: Áslaug Arna Sigurbjörnsdóttir , fyrrum ráðherra og þingmaður Katrín Jakobsdóttir , fyrrum forsætisráðherra Ragnhildur Þórðardóttir (Ragga nagli) , sálfræðingur og fyrirlesari Steinunn Sara Helgudóttir , stofnandi Neurometa Therapeutics Jana María Guðmundsdóttir leik- og söngkona flytur okkur fallega tóna á milli dagskrárliða. Hvað er innifalið í miðanum? Gullið tækifæri til að fyllast innblæstri og jákvæðri orku. Vandaðir fyrirlestrar og pallborðsumræður Hádegismatur, kaffiveitingar og kvöldverður Einstakt tækifæri til þess að efla tengslanetið í fullum sal af frábærum konum Frábær stemning og innblástur frá morgni til kvölds ---------------------------- Félag kvenna í atvinnulífinu í Danmörku (FKA-DK) er öflugt samfélag íslenskra kvenna sem vilja vaxa, tengjast og hafa gaman saman.