G-Night 2026 | Obradoiro sobre bioplásticos

A través dun percorrido con retos e dun pasaporte que se irá selando en cada fase, as persoas participantes explorarán o valor destes subprodutos e verán como algúns deles poden empregarse para deseñar materiais máis sostibles. Ademais, as persoas participantes interesadas poderán realizar unha pequena análise de calidade dos produtos obtidos. Ao inicio entregarase un “pasaporte circular” que se completará con selos tras superar retos: identificar subprodutos alimentarios secos/moídos e a súa xeración anual; recoñecer compostos de interese, como o amidón; asociar os ingredientes do bioplástico coa súa función; comparar mostras secas con distintas formulacións; observar a fabricación dun bioplástico con amidón, auga, glicerina, vinagre e bagazo de uva; e reflexionar sobre usos e limitacións do material. O público obxectivo é alumnado de último ciclo de primaria e instituto. Quendas: • 1 ª quenda: 17.15 h - 17.45 h • 2 ª quenda: 17.45 h - 18.15 h • 3 ª quenda: 18.15 h - 18.45 h • 4 ª quenda: 18.45 h - 19.15 h • 5 ª quenda: 19.15 h - 19.45 h • 6 ª quenda: 19.45 h - 20.15 h Este obradoiro será realizado polo grupo de investigación da Universidade de Vigo Biorefinería e Valorización da Biomasa (Bio2Val). Cousas a ter en conta: • O obradoiro realizarase na Aula 2 do segundo andar do edificio Redeiras. • Cada obradoiro terá unha duración aproximada de media hora e un límite de 20 prazas. Haberá seis quendas cunha inscrición previa. • Confirmarase a praza vía correo electrónico. • Lembrade traer as vosas entradas impresas ou no móbil. • Para calquera dúbida, poñédevos en contacto coa Unidade de Cultura Científica no teléfono 986 130 263 ou no correo electrónico [email protected]. Máis info en: www.gnight.gal