Replit Community Meetup

ما فيه ثيم محدد هالمرة. كل واحد يختار شيء يحتاجه أو وده يجرّبه، ويكون فيه شرط بسيط: نبني أو نحسّن ميزة وحدة خلال اللقاء. أفكار للي ما عنده فكرة: موقع شخصي يعرض أعمالك. أداة صغيرة تحل لك مشكلة يومية. ميزة جديدة في مشروعك الحالي، أو تحسين ميزة موجودة. راح أجهّز مشروع بسيط كبداية للي يحتاجه. وتقدرون تبنون لحالكم أو كل اثنين مع بعض. واللي يخلص بدري يقدر يجرّب إحدى مهارات الـ Growth Kit على مشروعه. خصائص ريبليت اللي بنستعرضها Free Mode — ٥ دقائق: بنجرّب نبني شيء بسيط ونعدّل عليه، ونشوف وش نقدر نسوي فيه وكيف نتابع الاستخدام. بنوضّح أيضًا إن له حدود استخدام حسب الاشتراك، وإن الاسم ما يعني إن كل شيء في ريبليت مجاني. Model routing — ٥ دقائق: كيف ريبليت يختار الموديل المناسب للمهمة تلقائيًا، ووين نلقى الخيار وكيف نستخدمه. Growth Kit — ٥ دقائق: بعد ما تبني مشروعك، كيف تبدأ تفكّر في الوصول للمستخدمين؟ بنجرّب مهارة وحدة على مشروع جاهز، مثل تقييم قابلية الفكرة للانتشار، ونشوف وش تقترح علينا كخطوة بعدها. أجندة اللقاء ترحيب وتعارف — ١٠ دقائق: تعريف سريع بالمجتمع واللقاء، ونسمع من شخصين حضروا اللقاء الأول وش بنوا من بعدها. استعراض خصائص ريبليت الجديدة — ٢٥ دقيقة: Free Mode، وModel routing، وGrowth Kit. نبدأ نبني سوا — ١٥ دقيقة: راح أبدأ بمثال بسيط لايف، ونشوف كيف نحدد الفكرة ونكتب أول برومبت ونطلع بأول نسخة. وقت البناء — ٧٠ دقيقة: كل واحد يشتغل على مشروعه، وأمرّ عليكم للمساعدة. نخصص آخر جزء للتجربة والنشر ومشاركة الروابط. عرض المشاريع — ٢٠ دقيقة: ٦ مشاريع، تقريبًا ٣ دقائق لكل عرض مع الانتقال بين المشاريع. كل واحد يورّينا وش بنى أو حسّن.