Speed dating | Seducindo con ciencias (campus de Vigo e edificio Redeiras)

A UVigo celebra o Día da Ciencia en Galego coa primeira edición do speed dating divulgativo 'Seducindo con ciencias', o 26 de novembro. 1.º Speed dating divulgativo "Seducindo con ciencias" Queres coñecer de preto os proxectos de investigación da Universidade de Vigo? O 26 de novembro tes unha cita con Seducindo con ciencias, o primeiro speed dating divulgativo da UVigo, organizado pola Unidade de Cultura Científica e da Innovación (UCC+i) co gallo do Día da Ciencia en Galego. En que consiste? As persoas investigadoras da UVigo presentarán os seus proxectos en intervencións individuais de tres minutos e en galego. O desafío será conquistar a atención do público e facer match a base de ciencia! Cando e onde? A actividade contará con dúas quendas: • Quenda de mañá | De 11.00 a 12.30 horas. Dirixida á comunidade universitaria da UVigo. Espazo INCUVI, na praza Miralles do campus de Vigo. • Quenda de tarde | De 17.00 a 18.30 horas. Aberta ao público xeral (maiores de 12 anos). Edificio Redeiras. Anímate a coñecer a investigación que se fai na Universidade de Vigo e déixate seducir pola ciencia en galego! Aspectos que cómpre ter en conta: • A quenda de mañá terá lugar no Espazo INCUVI, na praza Miralles do campus de Vigo; a de tarde, na terceira planta do edificio Redeiras. • A actividade recoméndase para persoas adultas maiores de 12 anos. • A actividade non ten unha duración determinada. Cada persoa poderá decidir se participa en todas as presentacións ou só nunha parte delas. • Confirmarase a praza vía correo electrónico. • Para calquera dúbida, poñédevos en contacto coa Unidade de Cultura Científica no teléfono 986 130 263 ou no correo electrónico [email protected].