G-Night 2026 | Paseo científico na embarcación Inndaga pola ría de Vigo

Con motivo da G-Night, a Unidade de Cultura Científica e o CIM convídante a participar nun paseo científico a bordo do Inndaga! Anímate a descubrir os segredos da ría de Vigo, coñecendo de primeira man as técnicas de mostraxe de sedimentos e caracterización de propiedades físicas da auga e do fondo mariño que emprega o persoal investigador do Centro de Investigación Mariña da Universidade de Vigo (CIM). É unha oportunidade única para afondar no traballo diario de investigación que realizan para estudar este singular ecosistema a bordo da embarcación Inndaga. • Faranse 3 saídas de 1 hora cada unha e haberá 4 prazas por saída. • O lugar de encontro é o muelle de trasatlánticos, no pantalán que está en fronte do edificio de sesións da autoridade portuaria. • A saída estará condicionada pola meteoroloxía, polo que existe a posibilidade de que esta actividade sexa cancelada a última hora se as condicións non garanten a seguridade da mesma. • As persoas participantes deben acudir con roupa de abrigo e calzado impermeable. Ademais, terán que aportar os seus datos persoais para dar cobertura co seguro a todos os asistentes (requisito obrigatorio). • Para participar nesta actividade é necesario inscribirse. Posto que o número de prazas é moi limitado, aconsellamos reservar un máximo de 2 asentos por persoa. • En caso de non poder asistir, por favor cancelade a vosa praza para que outras persoas na lista de agarda poidan gozar desta experiencia. • Confirmarase a praza vía correo electrónico e haberá unha lista de agarda de ser o caso. • Lembrade traer as vosas entradas impresas ou no móbil. • Para calquera dúbida, poñédevos en contacto coa Unidade de Cultura Científica no teléfono 986 130 263 ou no correo electrónico [email protected]. Máis info en: www.gnight.gal